اشعار حزينة

موضوع: اشعار حزينة الأربعاء مايو 27, 2009 1:54 am

أهجريني اذا أنك قادره
تهجرين
وكان قلبك على الفرقا
جزوم..وقوي
غيرك من البشر يملك
لطافه وزين
وعندي الزين
لافارق..ولامستوي
ارفض ابقى معلق معك!
في حالتين؟!
يوم..
مجنون حب!
ويوم..
عاقل سوي!

>>>>>>>>>>>>>>>>>>>>>>>>>>>>>>>>>>>>>
أنتي عيونك..حكاية!
بحر في عيونك
ومرسى
وأنا توي في البداية!
ودي أنساها
وتنسى
خلت عيوني..مرايه!
ودها تحكي
وخرسا
مامعايه..مامعايه!
غير قلب صعب
يقسى
وان رضيتي لك..رضايه!
وان قسيتي لازم
اقسى
كل شي وله..نهايه!
عاشقك وشلون
ينسى
>>>>>>>>>>>>>>>>>>>>>>>>>>>>>>>>>>>>>

النســــــــاء
ياحلوتي
صلصال طين
وانتي..من
طين الجمال
العبقــــري!
بالحسن مالك شبيه
ولا..
وزين!
مثل ماصاغ
الجواهر
جوهــــري!
بالحلاوة..والغلاوة
تفرقين!
مثل مايفرق..
فـقـــير عن ثــــري!
أختصرتي في جمالك
كل زين!
يوم غيرك في جماله..
مهــــــتري!!
>>>>>>>>>>>>>>>>>>>>>>>>>>>>>>>>>>>>>
ما نسينا ولو تناسينا
يالغلا في يوم حبينا
يوم كنا بسمة حلوة
قلب واحد من يساوينا
ويا حسافة ما مضى والله
يا حسافة هالغلا كله
ليت قلبي ليته ما اتوله
وليتنا في يوم ما أغلينا
>>>>>>>>>>>>>>>>>>>>>>>>>>>>>>>>>>>>>

في عيونك
بعض..
نظرات العتب
وفي عيوني
باقي من..
الشوق نار
عمر مكتوب..
وعمر ما أنكتب!
وحب..مات
وحب..محدود المسار
ماخبرت الحب أنا..
قبلك صعب!
لين ماذوقتني..
طعم المرار
كان لي حنيت!
ذا عز الطلب
وكان ما حنيت!
نصف العمر
طــــــار
>>>>>>>>>>>>>>>>>>>>>>>>>>>>>>>>>>>>>
مادام الطريق اللي
يجيبك لي..
طــــريـــق ذنـــوب!
هلا حي الطريق اللي
يجيبك لي..
مع ذنــــوبــــــه!
ومدام أنك علي تبقى
هذاك الغالي..
الـمـرغــــــوب!
الا يالـــلــــه لاتكتب علي
بدنيتي
تـــــــــوبــــه!!
>>>>>>>>>>>>>>>>>>>>>>>>>>>>>>>>>>>>>
اسطورة الشعر ياهيبة عناويني
بنت الخفوق وشعور القلب خادمها
في عشقها صمت سميتة نصف ديني
ياويل هـ الصمت كان الصمت علمها
ماقلت: احبك ..انا ماقلت :حبيني
حسبي على اللي خدع روحك وعشمها
في قصة الحب وين الحب من ويني
يامبعثر اوراق شعري قوم لملمها .
>>>>>>>>>>>>>>>>>>>>>>>>>>>>>>>>>>>>>

(وصية)
رافج رفيج لا تضايقت يشفيك ..
ولا تنفع الرفجة على غير فزعات ..
ولا الردي عند اللوازم يخليك ..
لا نافع نفسه ولا منه نفعات ..
خله ترى له طاري غير طاريك ..
لك نيه وحده وله عشر نيات .. !
>>>>>>>>>>>>>>>>>>>>>>>>>>>>>>>>>>>>>

لا تنسو الردود

الموضوع متعوب عليه
اتمنا من الله ان تنال اعجابكم

يسلمووووو يا عسل

يعطيك الف عافية

» مجموع اشعار رهيبة